Cyrraedd y Nod
Ym mis Ebrill 2008 dechreuodd y Ddraig Ffynci ar ail brosiect y sefydliad dan nawdd Cronfa Gymdeithasol Ewrop, fel cyd-noddwr yng nghais ‘Cyrraedd y Nod’ y Cynulliad Cenedlaethol. Erbyn hyn caiff yr arian sydd ar gael yng Nghymru ei alw’n arian Cydgyfeirio, ac mae’n berthnasol i’r ardaloedd sydd wedi’u lliwio’n wyrdd ar y map. Mae’r Ddraig Ffynci yn gyd-noddwr yn y rhan honno o’r cais sy’n ymwneud â Throedle Cyntaf, ac mae’n bwriadu gweithio gyda phobl ifanc 11-19 oed i geisio mynd i’r afael â thangyflawni trwy gyfranogi. Bydd y prosiect yn rhedeg o fis Ebrill 2008 tan fis Ionawr 2013, a bydd yn gweithio gyda phobl ifanc mewn amrywiaeth o leoliadau i’w helpu i ennill sgiliau, cymwysterau a phrofiadau gwerthfawr a fydd yn eu helpu i ddatblygu yn y dyfodol.
Bydd gweithgaredd prosiect Draig Ffynci’n cymryd lle mewn nifer o leoliadau
1. Gweithdai’n ymwneud â thema Dinasyddiaeth Weithgar Fframwaith ABCh (Addysg Bersonol a Chymdeithasol) 2008
2. Gwaith gyda grwpiau anodd eu cyrraedd
3. Gweithio gyda phobl ifanc NEET (heb fod mewn addysg, cyflogaeth na hyfforddiant)
4. Hyfforddiant cyfranogiad ar gyfer fforymau ieuenctid awdurdodau lleol
5. Dysgu Seiliedig ar Waith
6. Ein Hawliau Ni, Ein Stori Ni
7. Datblygu perthynas waith â gwahanol feysydd polisi o fewn y Cynulliad Cenedlaethol
8. Gwaith gyda grwpiau ieuenctid
9. Achrediad
10. Dysgu hunangyfeiriedig parhaus, di-dor